Construíndo unha pequena Euskal Herria na pampa húmida, Tandil, Arxentina

Abstract

A mediados do século XX, un grupo de exiliados vascos arriba á provincia de Bos Aires e atomízase en distintas cidades, varias delas cunha forte comunidade euscalduna arraigada social e economicamente dende 1850. Ese milleiro de vascos que construíran unha pequena Euskal Herria toponímica e comercial nun sector determinado da cidade acollen os acabados de chegar e con eles toman o impulso necesario para fundar a primeira institución euscalduna da cidade. Por que non o ¬xeron antes? Acaso porque existían os espazos de sociabilidade étnica su¬cientes en hoteis, almacéns e romarías, aínda que abertos, presentábanse como reservas dos costumes do vello pobo pirenaico. A decadencia dos hoteis étnicos, da man do corte do uxo migratorio, foi decisiva para que intentasen ter unha casa propia; os sucesos da Península, afogados portas a dentro e ocultos ao público, ¬xeron o resto. O Gure Etxea, nacido en 1949, funde as súas raíces no século XIX, pero medra co coidado dunha presada de exiliados. Palabras clave: exilio, comunidade, identidade, minoría, representación.